इलाम-२ को उपनिर्वाचनअन्तर्गत सुहाङ नेम्वाङले निरन्तर अग्रता बढाउँदै लगेका छन् ।
२१ हजार ८५४ मतगणना हुँदा एमालेका सुहाङ नेम्वाङले ८ हजार ८९८ मत साथ अग्रस्थानमा रहेका छन् । उनलाई कांग्रेसका डम्बर खड्का ६ हजार २८० मत साथ पछ्याइरहेका छन् । पहिचान पक्षधर स्वतन्त्र उम्मेदवार डकेन्द्र थेगिम ४ हजार ६३४ मतसहित तेस्रो स्थानमा छन् ।
रास्वपाका उम्मेदवार मिलन लिम्बुले १ हजार ३०५ मत पाएका छन् । एकीकृत समाजवादीका जितबहादुर राईले २ सय ४० मत पाएका छन् ।
मंगोल नेसनल अर्गनाइजेसनका मनिबहादुर लिम्बुले २ सय ९ र जनमतका प्रेमकुमार थाम्सुहाङले ५४ मत पाएका छन् । हालसम्म फाकफोकथुम गाउँपालिका र चुलाचुली गाउँपालिकाका सबै वडा र माङसेबुङ वडा नम्बर १ को मत गणना सकिएको छ ।
