ऐतिहासिक धार्मिक व्याकरणका पिता महर्सी पाणिनी शिवक्षेत्र शिवले पाणिनी ऋषिलाई १४ सूत्र दिएर अष्टादेहि व्याकरण उत्पत्ति भएको मुख्य केन्द्र तपोस्थलको रुपमा परिचित पाणिनी तपोभुमी धाममा आज श्रावण ५ गते श्रावण महिनाको पहिलो सोमबार को अवसर पारी बोलबम यात्रा सम्पन्न भएको छ। रुरु क्षेत्र धाम रिणिमा करिब ३५० जना श्रद्धालु भक्तजनहरू को सहभागितामा पाणिनी तपोभूमि धाममा गण्डकीको जल ल्याई जलार्पण गरिएको थियो। बिहानैदेखि चलेको रुद्रीपूजा लगायत पूजामा अर्घाखाँची पाल्पा गुल्मी कपिलवस्तु लगायतका ठाउँबाट भक्तजनहरूको सहभागिता रहेको थियो। श्रवण १ गतेदेखि भदौ १ गतेसम्म चल्ने रुद्रीपूजा जलाभिषेक को कार्यक्रममा सम्पूर्ण श्रद्धालु भक्तजनहरुलाई सहभागिताका लागि आयोजकले अनुरोध पनि गरेको छ।
