ललितपुरको कोन्ज्याेसोम गाउँपालिकाले सोनाम ल्होछार पर्वको अवसरमा ५ दिन स्थानीय बिदा दिएको छ । झन्डै ८० प्रतिशत तामाङ समुदाय बस्ने गाउँपालिकाले हिजोदेखि आउँदो १७ गतेसम्म सार्वजनिक बिदा दिएको हो ।
गाउँपालिका कार्यालय, वडा कार्यालय, विद्यालय र विभिन्न सङ्घ–संस्थालाई सार्वजनिक बिदा दिइएको गाउँपालिकाको सूचनामा उल्लेख छ ।
यस्तै मकवानपुरको राक्सिराङ्ग गाउँपालिकाले पनि तामाङ समुदायको पर्व सोनाम ल्होछारको अवसरमा तीन दिन सार्वजनिक बिदा दिएको छ । माघ १६, १७ र १८ गते पालिकाभर सार्वजनिक बिदा दिएको गाउँपालिकाले निकालेको विज्ञप्तिमा उल्लेख छ ।
यही माघ १७ गते तामाङ समुदायले नयाँ वर्ष सोनाम ल्होछार २८६० मनाउँदैछन् । तामाङ समुदायले नयाँ वर्षका रूपमा ल्होछार मनाउँछन् ।
